Video: Usajili wa Kwanza wa Arsenal Dirisha la January Mbioni Kukamilika

Usajili wa kwanza kabisa kwa dirisha la mwezi January kwa klabu ya Arsenal upo mbioni kukamilika.
Unaripotiwa kwamba usajili wa kiungo wa kiafrika kutoka Misiri anayekipiga katika klabu ya FC Basel Mohammed Elney kwenda Arsenal unakaribia kukamilika.
Gazeti la kiswiss la Neue Zürcher Zeitung leo limeripoti kwamba  Elneny ameshindwa kufanya mazoezi na Basel wiki hii. Hii ndio mara ya kwanza timu inakutana baada ya mapumziko ya kipindi cha sikukuu.
Neue Zürcher Zeitung linaripoti kwamba Elneny yupo njiani kwenda kujiunga na Arsenal.
FC Basel pia nao wametoa ishara kwamba uhamisho huo upo karibuni.
Klabu hiyo ya Uswiss imeandika kwenye mtandao wake rasmi kwamba – ‘kunaweza kuwa na uhamisho wa mchezaji wao katika siku za hivi karibuni.’
Kwa mujibu wa taarifa mbalimbali ni kwamba Arsenal watalipa kiasi cha 5 million euros kwa mabingwa hao wa Uswis, ada ambayo inaweza kwenda kufikia kiasi cha 7 million euros.
Elneny tayari ameripotwa kufanyiwa vipimo vya afya na ARSENAL – na kocha Arsene Wenger alimzungumzia mchezaji huyo baada ya ushindi wa 1-0 dhidi ya Newcastle.