Guardiola Atamka Anaelekea EPL: Je Ni Man Utd, City, Chelsea au Arsenal

Hatimaye kocha Pep Guardiola leo amethibitisha rasmi kwamba ataenda kufundisha soka katika ligi kuu ya Uingereza – Barclays Premier. Boss huyo wa Bayern Munich leo alikutana na waandishi wa habari katika mkutano wake wa kwanza wa 2016, na hakuweza kulikwepa swali kuhusu hatma yake baada ya kuondoka Bayern mwishoni mwa msimu.
Bila kukwepesha maneno kocha huyo mwenye umri wa miaka 44, alisema: “Nataka kufundisha soka katika ligi kuu ya England – Premier League.”
Guardiola anapewa nafasi kubwa ya kuchukua nafasi ya Manuel Pellegrini Man City Ikiwa tetesi zilizopo kwenye vyombo vya habari vya Ujerumani ni za kweli.
Lakini Guardiola amesisitiza kwamba mpaka hajafikia makubaliano na timu yoyote ya Premier League – Ingawa kuna vilabu kadhaa vimeshaanza kumtumia ofa za kujiunga navyo.