Mambo 7 Ambayo Yangetokea Kama Ronaldo na Messi Wasingekuwepo Kwenye Soka

Vipi kama Lionel Messi na Cristiano Ronaldo wasingekuwepo kwenye soka?Umeshawahi kufikiria hilo, nini kingetokea na kipi kisingetokea? Nimejaribu kukaa na kupata vitu saba ambavyo vingetokea kwenye ulimwengu wa soka kama wafalme hawa wa soka la kizazi hiki wasingekuwepo kwenye soka.

7. Makombe mawili ya Champions League kwa Chelsea
   

Chelsea waneshinda ubingwa wa ulaya mara moja chini ya Roberto Di Matteo katika msimu ambao walikuwa wakicheza chini ya kiwango chao. Ukiangalia kumbukumbu za Chelsea katika Champions League, inasikitisha namna walivyopoteza mechi ya fainali kwa penati dhidi ya Manchester United msimu wa 2007/08. Lakini ingeweza kuwa kesi tofauti kama Ronaldo asingekuwepo. Alifunga goli muhimu kwenye mechi hiyo iliyoisha sare ya 1-1 ndani ya dakika 120, na mikwaju ya penati iliyoipa ushindi United. Fainali ile ingeweza kuwapa ubingwa wa kwanza wa UCL Chelsea na labda mpaka sasa The Blues wangeweza kuwa mabingwa wa mara mbili wa kombe hilo. 

6. Rekodi ya Gerd Muller Ingekuwa Hai  

Gwiji wa soka wa Gerd Muller alivunja rekodi ya Forenc Deak mwaka 1972 kwa kufunga magoli 85 katika mwaka 1. Ni vigumu sana kuvunja rekodi ya namna hii. Mpaka 2011, Ronaldo alikarbia kuivunja kwa kufunga magoli 60, 2012, Lionel Messi akaivunja rekodi hii kwa kufunga magoli 91. Hii ni rekodi iliyoingia kwenye kitabu cha Guinness – rekodi ya Muller ingeweza kuwa hai kama Messi asingekuwepo.

5. Makombe matano ya Champions League kwa Manchester United 

Manchester United tayari wameshashinda makombe matatu ya Champions League. Moja ya vikwazo vyao vikubwa katika kutwaa ubingwa huu zaidi imekuwa klabu ya FC Barcelona. Katika fainali ya msimu wa 2008/09 na 2010/11 United walikutana na barcelona na mara zote mbili wakapoteza. Mmoja wa mwiba wa United katika fainali hizo alikuwa Lionel Messi na kama isingekuwa Messi, labda United wangekuwa wameshinda Champions League mara 5 mpaka sasa.

4. Upinzani wa Gareth Bale vs Neymar Ungekuwa Mkubwa
   

Rekodi ya Real Madrid kushinda ubingwa wa wa 10 wa Ulaya – La Decima ulifuatiwa na ujio wa Neymar katika klabu ya Neymar ndani ya Barcelona. Kufikia hapo ukaanza ulinganishwaji kati ya Neymar na  Gareth Bale na ikahisiwa ungekuwa ushindani ambao ungeurithi au kuuondoa ushindani  Ronaldo versus Messi. Haikuweza kutokea hivyo, Ronaldo na Messi wakakuza viwango vyao kwenda level nyingine na taratibu ushindani wa kuwafananisha Bale na Neymar umepungua kabisa. Kama usingekuwepo wa Messi na Ronaldo, battle ya Neymar na Bale ingekuwa kubwa sana kama ilivyo sasa kati ya  Ronaldo na Messi.

3. Umuhimu zaidi wa Wayne Rooney
   

Kilikuwa kipindi kigumu kwa Manchester United wakati Ronaldo alipoondoka kwenda Real Madrid. Baada ya kuondoka CR7,  alikuwa ni Wayne Rooney aliyebeba majukumu na kujaribu kuziba pengo la Ronaldo. Rooneyamefanya mengi tangu wakati huo na inasikitisha baadhi ya Man United bado hawampi heshima anayostahili kwa makubwa aliyofanya tangu alipoondoka Ronaldo. Bila uwepo wa Rooney katika miaka 6 iliyopita labda United isingepata mafanikio waliyopata tangu kuondoka kwa Rooney. Mashabiki wa United wamekuwa wakimhusudu Ronaldo kuliko wanavyompa heshima Rooney, mtu unaweza kufikiria kama Ronaldo asingekuwepo labda Rooney angepata umuhimu na heshima anayostahili.
2. Ushindani Zaidi Katika Ballon d’Or 
Kuna yoyote ambaye anakumbuka mara ya mwisho Tuzo Ya Ballon D’or imekuwa sio baina ya wawili hawa? Kumbukumbu zinaonyesha ni mbrazil Ricardo Kaka ndio mshindi wa wa tuzo miaka takribani sita iliyopita kabla Messi na Ronaldo hawajaiteka tuzo hiyo na kuifanya yao.
Messi na Ronaldo wameifanya tuzo hiyo mashindano yao, hakuna mchezaji mwingine aliyeonekana tishio kwao kwenye tuzo hiyo. Kama wachezaji hawa wawili wasingekuwepo labda Fernando Torres, Sergio Aguero, Luis Suarez au wachezaji wengine wangekuwa na nafasi ya kushinda Ballon d’Or.
1. Mchezo wa wa Football Usingekuwa Sawa. 
Kwa namna tulivyoona matukio yote ya kisoka ambayo yangetokea kama  Ronaldo na Messi wasingekuwepo. Wawili hawa wamekuwa ni baraka kwenye soka – wote wawili wameupa ulimwengu wa soka kumbukumbu tamu ambazo tumezishuhudia. Wametupa ladha ya ushindani wa Pele na Maradona. Kwa hakika kama wasingekuwepo soka lingekosa ladha nzuri waliyotupatia, mabeki labda wangekuwa na urahisi wa kuzuia zaidi.  Naamini wengi miongoni mwetu tunajivunia kuwashuhufia viumbe hawa wawili katika kipindi muongo mmoja uliopita.