SIMBA YACHAPA KAGERA SUGAR BAO 2--1

Klabu ya Simba SC leo imefanikiwa kuibuka na ushindi wa bao 2-1 dhidi ya wenyeji wao Kagera Sugar katika mtanange uliopigwa kwenye uwanja wa CCM Kambarage mjini Shinyanga.

Simba ndio walikuwa wa kwanza kupata bao kunako dakika ya 49 kipindi cha pili kupitia kwa Ramadhan Singano kabla ya Kagera kusawazisha kupitia kwa Rashid Mandawa.
Mshambuliaji wa Simba Ibrahim Ajib aliipachikia timu hiyo goli la pili na la ushindi kwa mkwaju wa penati, Kufatia ushindi huo Simba inakuwa imefikisha pointi 35  baada ya kucheza michezo 21.