KOCHA wa Chelsea, Jose Mourinho amekiri wazi kupingana na...........

KOCHA wa Chelsea, Jose Mourinho amekiri wazi kupingana na........ tuzo ya Ballon d’Or na anaamini mpira wa miguu unapoteza muelekeo kwani mafanikio ya timu hayaangaliwi tena.

Cristiano Ronaldo na Lionel Messi wametawala tuzo hiyo kutoka mwaka 2008, na mwezi januari mwaka huu mshambuliaji huyo wa Real Madrid na Ureno alishinda tuzo hiyo kwa mwaka wa pili mfululizo baada ya kufunga magoli 52 katika mechi 43 mwaka 2014.

Arsene Wenger mwanzoni aliweka wazi kwamba “Hakubaliani kabisa’ na Ballon d’Or kwasabau yeye mapenzi yake yapo kwenye timu kuliko mchezaji mmoja.

“Nadhani Wenger aliongea kitu sahihi, anapingana na Ballon d’Or, nadhani yuko sahihi kwasababu kwasasa mpira umeondoka katika dhana ya timu na kuangalia zaidi wachezaji binafsi,” Mourinho amesema katika mahojiano maalumu na gazeti la Dail Telegraph.

“Mara zote tunaangalia takwimu za mchezaji binafsi, mchezaji anayekimbia sana. Kwasababu umekimbia kilomita 11 katika mechi nami nimekimbia kilomita 9, wewe wa 11 unakuwa umefanya kazi nzuri kuliko mimi? labda hapana, labada kilomita 9 zilikuwa muhimu zaidi kuliko 11″.